Март 23-түң хүнүнде Алдан-Маадыр суурга алдарлыг чаңгыс чер-чурттуувус, Тыва АССР-ниң алдарлыг артизи Хунаштаар-оол Ооржактың 80 харлаанынга тураскааткан «Сыгыт, хөөмей — «Сүт-ле-Хөлде» деп республика чергелиг хөөмей мөөрейи болуп эрткен. Аңаа ниитизи-биле 74 хөөмейжи база 9 аас чогаал ансамбльдери киришкен. Мөөрей-биле чергелештир Алдан-Маадырның уругларның уран чүүл школазынга Тываның Улустуң хөөмейжизи Хунаштаар-оол Ооржактың адын тывыскан байырлал болган.